Бакиров Дархан Әбдіманапұлы 1982 жылдың 17 тамызында Қазақстан Республикасы, Қызылорда облысы, Қызылорда қаласында дүниеге келген. 1989 жылы №140 орта мектептің бірінші сыныбына барған. 1999 жылы Қызылорда қаласындағы №43 орта мектепті бітірген. 1999 жылы Қазақ гуманитарлық-заң университетіне «Заңтану» мамандығына оқуға түсіп, 2003 жылы оны «Заңгер» біліктілігімен аяқтаған. 2005 жылы Қазақ гуманитарлық-заң университетінің магистратурасын аяқтап, «Заңтану» мамандығы бойынша магистр академиялық дәрежесі берілді. 2010 жылы Қазақстан Республикасы Президентінің жанындағы Мемлекеттік басқару академиясының Мемлекеттік саясаттың ұлттық мектебін тәмамдаған. 2003–2015 жылдары Қазақстан Республикасы Әділет министрлігінің жүйесінде жетекші маман, бас маман, бөлім басшысы, басқарма басшысы, нормативтік құқықтық актілер жөніндегі департаменті директорының орынбасары, нормативтік құқықтық актілерді тіркеу департаменті директорының орынбасары, сондай-ақ халықаралық құқық және ынтымақтастық департаменті директорының орынбасары және директоры қызметтерін атқарған. 2015–2019 жылдары «ҚазМұнайГаз» ҰК АҚ компаниялар тобында өндірістік қызметті құқықтық қамтамасыз ету департаментінде директордың орынбасары, бөлім басшысы лауазымдарында жұмыс істеген. 2020–2023 жылдары Тұран университетінде оқытушы болып жұмыс жасаған. 2021–2024 жылдары Тұран университетінде докторантурада оқыған. 2024 жылдан бастап әл-Фараби атындағы Қазақ ұлттық университетінің кеден, қаржы және экологиялық құқық кафедрасында аға оқытушы болып қызмет істейді. Ғылыми-педагогикалық жұмыс өтілі – 5 жыл, жалпы еңбек өтілі – 22 жыл.